Dei skapar kun mykje fritid der du helst vil ut og finne på alt anna enn å lese til eksamen. Spesielt når du veit at sola skin ute og du ikkje har fått handla deg klede, sko, eller anna forfengelegsreiskap på ei stund, og du vil ut og vere sosial. Eksamen gjer meg usosial. Sit kun inne og sturar. Syt fordi eg ikkje kan finne på noko. Når eg blir sitjande med noko, blir eg sitjande heile dagen. Slik som når eg dreg fram datan. I morgon skal eg byrje eksamenslesinga for fullt. Men no, i kveld skal eg ta ein siste roleg kveld før eg byrjar.

Roleg, og roleg, eg kan skryte på meg at eg klarte å dra meg utav sofaen for å jogge oppi festningsområdet. Eg har innsett kor glad eg er for å bo i dette området av byen. Festninga eit minutt unna, der eg kan jogge, grille, filme, eller berre gå. Også er byen berre ein bakke unna, det same gjeld Gløshaugen. Eg skjønar kvifor det bur så monge studentar her.

Dagens nynorskord for bokmålsfolk: ofseleg = fryktelig.

på gjensyn – Linn

Dette blir eit kort innlegg. Berre sånn informasjonsmessig.
No er det endeleg påskeferie, endeleg fri og late dagar. Som eg har lengta. Ikkje berre etter late dagar, men til å endeleg kunne gjere ting eg ikkje har tid til i skuleperiodane. Som å spele spel, lage spanande mat, spele piano og gitar, lese bøker(ikkje skule), treffe vener og sist men ikkje minst kvalitetstid med min kjære Adam. Einaste tida vi får i lag er på dansing to timar i veka. Elles er tida brukt til skule, sjå viktige tv-program eller ete. Men det vil eg ikkje kalle kvalitetstid.
Uansett, no får eg kvalitetstid med både familie, hundar, vener og Adam. Påskeferien kom perfekt!

Til alle saman der ute(eg veit det er nokre, eg har google analytics): GOD PÅSKE!

Ein av mine favorittar som barn: ‘Flukta frå dyreskogen’. Ein fantastisk serie som fanga mangt eit barn framom tv-skjermen. No i seinare tid innsåg eg at serien fortsatt fengjer meg, men denne gongen mest på grunn av språket. Den herlege bruken av nynorsk. ‘Grevling, eg fell av!’ <3

Eg er ein forkjempar for nynorsk. Den østlending/nordlending/sørlending/trøndar/sørvestlending som vil kan mislike nynorsk så mykje dei vil. Eg kjem frå Sunnmøre, og her er språket nynorsk. Er det noko eg mislikar til ein viss grad så er det nordvestlendingar(spesielt Sunnmøringar) som ikkje likar nynorsk og foretrekk bokmål. Eg har ingenting imot bokmål, men tykkjer at i det minste på Sunnmøre bør nynorsk vere minst likestilt med bokmålen. Sunnmøringar som påstår at bokmål fell nærmare talemålet deira, må anten vere skapromsdalingar eller komplette grønsaker. No skal eg ikkje påstå at eg har den beste nynorsken, og at eg kan alt om nynorsk. Men nokre sunnmøringar må også jekke seg ned nokre hakk når det kjem til fjortisargumenta sine. Det var nok fjortisargument frå mi side. Von dess!